កីឡាករ និងគ្រូបង្វឹកនៃក្រុមជម្រើសជាតិនីហ្សេរីយ៉ា បានធ្វើពហិការមិនហ្វឹកហាត់នៅថ្ងៃអង្គារនេះ នៅប្រទេសម៉ារ៉ុកមុនពេលការប្រកួតជម្រុះ World Cup ដ៏សំខាន់មួយទល់នឹងហ្គាបុង ដែលគ្រោងធ្វើឡើងនៅថ្ងៃព្រហស្បតិ៍។
ក្រុមកីឡាករទាំងនេះបានសម្រេចចិត្តមិនហ្វឹកហាត់ ដើម្បីតវ៉ាប្រឆាំងនឹងប្រាក់រង្វាន់ការប្រកួតដែលមិនទាន់បានបង់ចាប់តាំងពីឆ្នាំ ២០១៩។
“គ្មានកីឡាករ Super Eagles ណាម្នាក់បានទទួលប្រាក់ឧបត្ថម្ភ ឬប្រាក់រង្វាន់ដែលបានបែងចែកសម្រាប់ការឈានដល់វគ្គ Playoff នៃព្រឹត្តិការណ៍ AFCON ឆ្នាំ ២០២៥ និង World Cup ឆ្នាំ ២០២៦ នោះទេ។ កីឡាករបានទុកសេចក្តីថ្លែងការណ៍នេះសម្រាប់ FA នៅប្រទេសនីហ្សេរីយ៉ា»។
នីហ្សេរីយ៉ានឹងត្រូវប្រឈមមុខនឹងហ្គាបុង នៅថ្ងៃព្រហស្បតិ៍ក្នុងវគ្គពាក់កណ្តាលផ្តាច់ព្រ័ត្រលើកដំបូងនៃវគ្គ Playoff។ ពួកគេនឹងបន្តប្រឈមមុខនឹងអ្នកឈ្នះនៃវគ្គ Playoff រវាងកាមេរូន និងកុងហ្គោ ប្រសិនបើពួកគេអាចឈ្នះ។
សំបុត្រ World Cup នឹងត្រូវដាក់លក់នៅក្នុងខែមីនា នៅពេលដែលការប្រកួត Playoff អន្តរទ្វីបនឹងត្រូវធ្វើឡើង។