បាល់ទាត់កំពុងតែក្លាយជាកីឡាបែបវិទ្យាសាស្ត្រកាន់តែខ្លាំងឡើងៗ ដោយសារការច្នៃប្រឌិតថ្មីលើសពីយុទ្ធសាស្ត្រ ឬការវិភាគគូប្រកួតធម្មតាៗ។ ក្នុងពេលនេះ កត្តាមួយចំនួនដែលទាក់ទងទៅនឹងការគ្រប់គ្រងមនុស្ស ជួនកាលតម្រូវឱ្យមានការយល់ដឹងផ្នែកចិត្តសាស្ត្រ។
សម្រាប់លោក Luis Enrique រាល់ព័ត៌មានលម្អិតសុទ្ធតែសំខាន់។ គ្រូបង្វឹកជនជាតិអេស្ប៉ាញរូបនេះ កំពុងបង្កើនកិច្ចខិតខំប្រឹងប្រែងទ្វេដង ដើម្បីយល់កាន់តែច្បាស់អំពីក្រុមរបស់គាត់នៅ Paris Saint-Germain។
យោងតាមសារព័ត៌មានបារាំថង L’Equipe អ្នកចាត់ការក្រុម PSG រូបនេះបានណែនាំការស្ទង់មតិប្រចាំថ្ងៃដែលមានសំណួរចំនួនបួនទៅប្រាំដែលកីឡាករម្នាក់ៗត្រូវតែឆ្លើយ។
សំណួរទាំងនេះគ្របដណ្តប់លើប្រធានបទដូចជាអារម្មណ៍ គុណភាពនៃការគេង កម្រិតអស់កម្លាំង និងអារម្មណ៍បន្ទាប់ពីការប្រកួត ដោយមានគោលបំណងយល់ដឹងពីកីឡាករម្នាក់ៗជាលក្ខណៈបុគ្គល។
បន្ទាប់មក ចម្លើយត្រូវបានបញ្ជូនទៅផ្នែកវាស់ស្ទង់គុណផល ដែលគ្រប់គ្រង់ដោយបុគ្គលិករបស់លោក Luis Enrique ហើយគោលការណ៍ណែនាំនានា ត្រូវបានរៀបចំឡើងដើម្បីរក្សាទាំងស្ថានភាពរាងកាយ និងសុខុមាលភាពផ្លូវចិត្តរបស់សមាជិកក្រុមម្នាក់ៗ។
ដំណើរការសំខាន់នៅពីក្រោយឆាកនៃការវាស់ស្ទង់នេះ ត្រូវបានរចនាឡើងដើម្បីបង្កើនធនធានមនុស្ស និងបង្កើនប្រសិទ្ធភាពការសម្តែងជារួម។
