សូម្បីតែវីរបុរសបាល់ទាត់ដូចជាលោក Zinedine Zidane ក៏ស្គាល់មួកស្គាល់ម្កុដដែរ។ អតីតតារាបាល់ទាត់បារាំង ដែលត្រូវបានគេស្គាល់គាត់ដោយសារជួយឱ្យក្រុមមាន់គកឈ្នះពាន 1998 World Cup និងឈ្នះពាន Champions League ជាមួយជម្រើសជាតិបារាំងបានទទួលស្គាល់ថាប្រសិនបើលោក Rayn Giggs ជាកីឡាករបារាំង គាត់ហើយសូម្បីតែ Robert Pires នឹងត្រូវអង្គុយបម្រុងជាមិនខាន។
Giggs ជាវីរបុរសលេងឱ្យបិសាចក្រហម Manchester United តែមួយគត់លក្នុងអាជីព បានចំណាយពេល២៤ឆ្នាំនៅ Old Trafford ឈ្នះពាន Premier League ១៣គ្រឿង និងក្លាយជាកីឡាករស្ថិតក្នុងចិត្តអ្នកគាំទ្រដោយសារតែជំនាញ ល្បឿន ការរក្សាគុណផលលេងល្អជាប់លាប់។
លោក Zidane ថ្លែងបែបនេះ៖« បើសិន Giggs ជាបារាំង Pires ឬក៏ខ្ញុំនឹងត្រូវអង្គុយបម្រុងជាមិនខាន។
មតិយោបល់របស់លោក Zinedine បានបង្ហាញពីភាពអស្ចារ្យរបស់ខ្សែបម្រើស្លាបជម្រើសជាតិវេលស៍រូបនេះ – ជាកីឡាករដ៏អស្ចារ្យម្នាក់ ដែលសូម្បីតែខ្សែបម្រើដ៏អស្ចារ្យបំផុតម្នាក់ក្នុងប្រវត្តិសាស្ត្រក៏ត្រូវតស៊ូ រកកៅអីលេងជាប់លាប់មួយដែរ។
