លោក Zinedine Zidane បានឈានដល់កិច្ចព្រមព្រៀងផ្ទាល់មាត់ ដើម្បីចូលកាន់តំណែងជាគ្រូបង្វឹកក្រុមបារាំងភ្លាមៗបន្ទាប់ពីព្រឹត្តិការណ៍ FIFA World Cup ឆ្នាំ២០២៦ នេះបើយោងតាមការចុះផ្សាយរបស់អ្នកកាសែតអ៊ីតាលីល្បីឈ្មោះ Fabrizio Romano។
គ្រូបង្វឹកឆ្នើមរូបនេះបានសម្រាកមួយរយៈចាប់តាំងពីចាកចេញពីក្រុម Real Madrid ក្នុងឆ្នាំ២០២១។ គាត់នឹងជំនួសលោក Didier Deschamps នៅក្រុមជម្រើសជាតិ។
លោក Deschamps បានបម្រើការជាគ្រូបង្វឹកចាប់តាំងពីឆ្នាំ២០១២ ដោយឈ្នះពានរង្វាន់ FIFA World Cup ឆ្នាំ២០១៨ ពានរង្វាន់ Nations League ឆ្នាំ២០២០-២១ និងពានរង្វាន់ជើងឯករងក្នុងព្រឹត្តិការណ៍ FIFA World Cup ឆ្នាំ២០២២។
លោក Zidane មានការងារធំៗជាច្រើនដែលត្រូវបំពេញ ប៉ុន្តែគាត់នឹងព្យាយាមធ្វើដូចភាពជោគជ័យដែលមិនធ្លាប់មានពីមុនមកដែលគាត់ធ្លាប់ទទួលបានក្នុងអំឡុងពេលដឹកនាំក្រុម Madrid ដោយឈ្នះពានរង្វាន់ Champions League បីលើកជាប់ៗគ្នា។
