យោងតាមអ្នកជំនាញផ្ទេរកីឡាករអ៊ីតាលី Fabrizio Romao ក្រុម Real Madrid នឹងត្រូវទប់ទល់នឹងការប្រកួតប្រជែងពីក្លិបនៅ Premier League សម្រាប់ការចុះហត្ថលេខាលើខ្សែបម្រើ Kees Smit របស់ក្រុម AZ Alkmaar។
កីឡាករហូឡង់ដ៏ឆ្នើមរូបនេះ ស្ថិតនៅក្នុងបញ្ជីគោលដៅខ្សែបម្រើរបស់ក្រុម Madrid សម្រាប់រដូវក្តៅក្រោយ បន្ទាប់ពីគុណផលលេងកើនឡើងយ៉ាងឆាប់រហ័សក្នុងក្របខណ្ឌលីគកំពូលហូឡង់ Eredivisie។
ដោយទទួលបានការប្រៀបធៀបជាមួយខ្សែបម្រើ Pedri របស់ក្រុម Barcelona ដោយសារតែទេពកោសល្យដ៏អស្ចារ្យរបស់គាត់ Smit ក៏ត្រូវបានចាត់ទុកថាជាអនាគតរបស់ក្រុមជម្រើសជាតិហូឡង់ផងដែរ។
អ្នកជំនាញដោះដូរកីឡាកររូបនេះ ក៏បានសង្កត់ធ្ងន់ផងដែរថា AZ Alkmaar នឹងមិនទទួលយកសំណើចុះកុងត្រាក្រោម ៤៥ លានអឺរ៉ូនោះទេ។
