នៅល្ងាចថ្ងៃទី 28 ខែតុលា លោកស្រី នូលផាន ឡាំសាំ (លោកស្រី ប៉ាង) ប្រធាន សមាគមកីឡាបាល់ទាត់ថៃ (FAT) បានផ្ញើលិខិតសុំទោសជាផ្លូវការ ទៅកាន់ប្រធានសមាគមកីឡាបាល់ទាត់វៀតណាម VFF លោក ត្រឹង ក្វុក ទួន ទាក់ទងនឹងការបង្ហាញទង់ជាតិវៀតណាមមិនត្រឹមត្រូវ អំឡុងពេលចាប់ឆ្នោតជ្រើសរើសពូលពានរង្វាន់ AFF U19 Futsal Championship 2025 នៅប្រទេសថៃ។
លោកស្រី ប៉ាង បានសម្តែងការសោកស្តាយយ៉ាងខ្លាំង ហើយបានសង្កត់ធ្ងន់ថា ឧប្បត្តិហេតុនេះមិនឆ្លុះបញ្ចាំងពីការគោរព និងការដឹងគុណរបស់សមាគមបាល់ទាត់ថៃ ចំពោះវៀតណាម និងសហព័ន្ធសមាជិកអាស៊ានទាំងអស់នោះទេ។
លោកស្រីបានបញ្ជាក់ថា ថៃបានចាត់វិធានការកែតម្រូវ និងពង្រឹងនីតិវិធីព្រឹត្តិការណ៍របស់ខ្លួនរួចហើយ ដើម្បីធានាថាមិនមានកំហុសស្រដៀងគ្នានេះកើតឡើងនាពេលអនាគត។
«យើងសូមអភ័យទោសយ៉ាងស្មោះស្ម័គ្រចំពោះសហព័ន្ធបាល់ទាត់វៀតណាម សមាគមកីឡាបាល់ទាត់អាស៊ាន និងគ្រប់ភាគីពាក់ព័ន្ធទាំងអស់។ សមាគមកីឡាបាល់ទាត់ថៃ នៅតែប្តេជ្ញាចិត្តយ៉ាងពេញទំហឹងចំពោះវិជ្ជាជីវៈ និងការគោរពគ្នាទៅវិញទៅមកនៅក្នុងព្រឹត្តិការណ៍ AFF ទាំងអស់។»