Bruno Fernandes បានសារភាពថា គាត់មានការព្រួយបារម្ភជាមួយនឹងអត្រាទាត់បាល់ប៉េណាល់ទីមិនល្អរបស់គាត់នៅរដូវកាលនេះ។
តារាឆ្នើមរបស់ Man United រូបនេះបាននិយាយក្នុងសន្និសីទសារព័ត៌មានកាលពីថ្ងៃសុក្រថា៖ «រដូវកាលនេះ ក្នុងចំណោមការទាត់បាល់ប៉េណាល់ទី៣ដង ខ្ញុំធ្វើមិនបានសម្រេចដល់ទៅ២ដង»។
«គ្មាននរណាចង់ទាត់ឱ្យខុសទេ ហើយខ្ញុំក៏ចង់ទាត់បានសម្រេចដែរ។ វាជាអ្វីដែលខ្ញុំត្រូវសិក្សាឱ្យបានល្អជាងនេះ។ ខ្ញុំនឹងធ្វើវា ដោយភាពជឿជាក់ពេញលេញ ព្រោះខ្ញុំមានគ្រូបង្វឹកដែលទុកចិត្តខ្ញុំ»។
ពេលនេះ Bruno ស្ថិតក្នុងក្រុមជម្រើសជាតិព័រទុយហ្គាល់ត្រៀមការប្រកួតវគ្គជម្រុះ World Cup តំបន់អឺរ៉ុបហើយក្រុមរបស់ពួកគេនឹងត្រូវជួបក្រុមអៀកឡង់។
យើងត្រូវមើលទៀតថាតើ Fernandes នឹងទទួលបានឱកាសទាត់បាល់ប៉េណាល់ទីដែរឬទេ ក្នុងករណីដែល Cristiano Ronaldo នៅលើទីលានដែរនោះ៕