Lamine Yamal នឹងមិនមានវត្តមានក្នុងការប្រកួតយប់នេះទេ បើតាមការបញ្ជាក់ពីលោក Hansi Flick ក្នុងសន្និសីទកាសែតមុនការប្រកួតយប់នេះ។
លោក Flick បាននិយាយបែបនេះ៖ «Lamine បង្ហាញការឈឺចាប់ ហើយជម្រើសជាតិអេស្ប៉ាញបានដាក់ឱ្យគាត់លេងដល់ 73 និង 79 នាទី ជាមួយការប្រកួតដែលមិនសំខាន់ទាល់តែសោះ។ ពួកគេមិនខ្វល់ពីកីឡាករនោះទេ»។
កីឡាករ Roony Bardghji នឹងបង្ហាញខ្លួនយប់នេះជំនួស Lamine Yamal ទល់នឹង Valencia CF ។ លោក Hansi Flick កោតសរសើរយ៉ាងខ្លាំងចំពោះសក្ដានុពលកីឡាករស៊ុយអែតរូបនេះ។
ក្រុម Barcelona ទាំងមូលបង្ហាញការមិនពេញចិត្ត និងខឹងសម្បារយ៉ាងខ្លាំងចំពោះក្រុមជម្រើសជាតិអេស្ប៉ាញ ដោយសារតែករណី Lamine ។
ក្រុមជម្រើសជាតិអេស្ប៉ាញបានដាក់ Lamine Yamal លេង ៧៣នាទីពេលប៉ហប៊ុលហ្ការី និងលេងដល់ទៅ ៧៩នាទីក្នុងការប្រកួតជាមួយទួរគីដែលអេស្ប៉ាញឈ្នះ ៦ទល់០៕