Vinícius Jr. គឺជាខ្សែប្រយុទ្ធដ៏គ្រោះថ្នាក់បំផុតរបស់ទ្វីបអឺរ៉ុប គិតលើការញាក់បាល់ជោគជ័យច្រើនជាងគេបំផុត ក្នុងរយៈពេលបីរដូវកាលចុងក្រោយ។
យោងតាមស្ថិតិតាមរយៈ MadridMuse ខ្សែប្រយុទ្ធរបស់ក្រុម Real Madrid បានញាក់បាល់ជោគជ័យចំនួន 406 ដងបូករួមទាំងការបង្កើតឱកាស ចាប់តាំងពីដើមរដូវកាល 2022/23 ច្រើនជាងកីឡាករផ្សេងទៀតនៅអឺរ៉ុប។
កីឡាករសញ្ជាតិប្រេស៊ីលរូបនេះ បានអភិវឌ្ឍខ្លួន ក្លាយទៅជាអ្នកផ្លាស់ប្តូរអាំងតង់ស៊ីតេការប្រកួតជាប់លាប់បំផុត ដែលមានសមត្ថភាពបំបែកខ្សែការពារជាមួយនឹងល្បឿន និងជំនាញញាក់របស់គាត់ ខណៈដែលពេលខ្លះគាត់ផ្តល់នូវភាពច្នៃប្រឌិតសម្រាប់មិត្តរួមក្រុមរបស់គាត់ផងដែរ។
Vinícius បានទទួលខុសត្រូវក្នុងតំបន់ប្រយុទ្ធកាន់តែច្រើនបន្ថែមទៀតនៅ Madrid បន្ទាប់ពីការចាកចេញរបស់ Karim Benzema ។ បើទោះបីជារដូវកាលចុងក្រោយនេះ គុណផលលេងរបស់គាត់ធ្លាក់ចុះបន្តិចតែគាត់នៅតែជាកីឡាករសំខាន់ដដែល។
អនាគតរបស់ Vini នៅ Real Madrid ពេលនេះ អស្រ័យលើគាត់ថាតើអាចធ្វើបានល្អក្នុងរដូវកាលនេះ ឬអត់ ព្រោះការបង្ហាញគុណផលលេងរបស់គាត់អាចនឹងបើក ឬបិទទ្វារដល់កិច្ចសន្យាថ្មីមួយទៀត។