អ៊ីរ៉ាក់ស្នើសុំផ្ទេរទីកន្លែងប្រកួតវគ្គជម្រុះ AFC U-23 Asian Cup 2025 ចេញពីកម្ពុជា

🇮🇶 សមាគមបាល់ទាត់អ៊ីរ៉ាក់ (IFA) បានដាក់សំណើជាផ្លូវការទៅកាន់សហព័ន្ធកីឡាបាល់ទាត់អាស៊ី (AFC) ដើម្បីផ្លាស់ប្តូរការប្រកួតក្នុងពូល G នៃវគ្គជម្រុះពានរង្វាន់ AFC U-23 Asian Cup 2025 ចេញពីប្រទេសកម្ពុជា ដោយសារភាពតានតឹងផ្នែកសន្តិសុខកើនឡើងរវាងកម្ពុជា និងថៃ។

ពូល G ដែលមានប្រទេសអ៊ីរ៉ាក់ កម្ពុជា អូម៉ង់ និងប៉ាគីស្ថាន គ្រោងនឹងប្រព្រឹត្តទៅចាប់ពីថ្ងៃទី 1 ដល់ថ្ងៃទី 9 ខែកញ្ញា ឆ្នាំ 2025 នៅប្រទេសកម្ពុជា។ IFA បានស្នើទីក្រុង Basra ប្រទេសអ៊ីរ៉ាក់ជាទីក្រុងម្ចាស់ផ្ទះជំនួសវិញ ដោយពួគគេលើកឡើងពីការត្រៀមខ្លួនទាំងសុវត្ថិភាព និងសម្ភារៈបច្ចេកទេសដើម្បីរៀបចំការប្រកួតជម្រុះ។

មន្ត្រី IFA ពន្យល់ថា៖ «ការសម្រេចចិត្តនេះធ្វើឡើងដោយសារតែស្ថានភាពមិនស្ថិតស្ថេររវាងកម្ពុជា និងថៃ ជាពិសេសដោយសារផែនការរៀបចំរបស់យើងពាក់ព័ន្ធនឹងការបោះជំរុំហ្វឹកហាត់នៅប្រទេសថៃ ដោយសារតែវានៅជិតកន្លែងមានជម្លោះ»។