យោងតាមលោក Fabrizio Romano បានឱ្យដឹងថា Rasmus Hojlund មិនមានចេតនាចាកចេញពី Manchester United នៅរដូវក្តៅនេះទេ។
ខ្សែប្រយុទ្ធសញ្ជាតិដាណឺម៉ាកត្រូវបានគេរាយការណ៍ថា បានប្តេជ្ញាចិត្តយ៉ាងពេញលេញក្នុងការស្នាក់នៅ Old Trafford និងតស៊ូដើម្បីកន្លែងរបស់គាត់នៅក្នុងក្រុមចំពេលមានការរំពឹងទុកជុំវិញអនាគតរបស់គាត់។
លោក Romano បាននិយាយថា ៖«Hojlund ចង់បន្តនៅ Man United និងតស៊ូដើម្បីកន្លែងលេងរបស់គាត់ ប្រកួតប្រជែង ធ្វើជាកីឡាករ Manchester United និងធ្វើឱ្យអស់ពីសមត្ថភាព»។
«មធ្យោបាយតែមួយគត់សម្រាប់ Hojlund ក្នុងការចាកចេញគឺប្រសិនបើអ្នកចាត់ការ Man United ទៅប្រាប់កីឡាករដោយខ្លួនឯងហើយនិយាយថា៖«មិនអីទេ! យើងមិនទុកចិត្តអ្នកទៀតទេ អ្នកត្រូវតែទៅ» នោះរូបគេនឹងទៅ»។
កាលពីរដូវកាលមុន Rasmus Hojlund ស៊ុតបញ្ចូលទីបាន១១គ្រាប់ និងបញ្ជូនបាល់ឲ្យមិត្តរួមក្រុមបាន២ដង ក្នុង៥៨ប្រកួត។